Indoor Festival 2024

«Jeu sun frustraus», gi il president ed organisatur digl Indoor Festival Florian Zanin duront la discussiun da podi dils 4 da matg 2024 el Center Fontauna a Mustér. Buc pervia dils concerts, mobein pervia dil diember d’aspectaturas e d’aspectaturs ch’ein stai venderdis sera al festival, sulet 230 persunas. Musicalmein ha il venderdis perschuadiu: «Miu highlight dalla sera ei definitivamein stau KT Gorique», schia Florian Zanin.

Cun la sonda ei igl’organisatur pli cuntents: «600 persunas ein stadas al concert», scriva Florian Zanin sin damonda dalla FMR. «Ussa serrein nus giu il quen e lu decidin davart il futur digl Indoor Festival». (fmr/lu)